يارب يا عالم بالحال


انا عبدك على قد الحال


بناديلك


مليش غيرك


تخرجني من ده الحال


تعبت مش لاقي سكة تاخدني


ولا اجابة على اي سؤال


يا رب يا عالم بالحال


مش حاسس براحة بال


لا اكلي ولا شربي ولا حاجة ترد الروح


انا عبدك


ضعيف مجروح


انا اسف انا غلطان


وغفرانك يا متعال


دي الدنيا ان جتلي على يميني


اجلها شمال


يارب


يا عالم بالحال

يا عالم بالحال

وبطل مابلكونة..عالشارع

خارج بدور على مجهول

مش عارفو

ومش شايفو

واتنفس

هوا مخنوق..بيخنقني

وميت فكرة..بتملكني

ضعيف..ضايع

اوي..وساكت

اوي..وشايل

فقلبي كلام..ومش حاسو

وكلام زعلان..عشان حاسو

وكلام واجع..ومش طالع

وفالشارع..لقيت الهم بيعيط

على همو

وفرح هناك..بيتنطط

ولا همو

ودنيا كبيرة..من فوقي

ودنيا كبيرة من تحتي

وانا فالنص متحير

ونبرة فصوتي تتغير

انا فالكون مكاني فين ؟

ومين سامع ندايا مين ؟

ومين سامع ؟

وآدي كمي


وآديني بيه داريت همي

قفلت فآخر طلتي الشيش

على قلبي

مكلمنيش

مهو عارف مهوش ذنبي

انا آسف انا غلطان

ومش طالب متوجعنيش

شهر على بعادنا


وحاجات كتير وجعاني


وكلام كتير...معقود


على طرف لساني


وحاجات بتمناها


وحاجات...بستناها


وحاجات كتير نقصاني


والخوف...لتعدي المركب بيا


لنص البحر


وافضل احبك


وتروح المركب وتميّـل اوي على جنبك


ويزيد ميقلش جوايا


وفوق صبري...الصبر


ويوميها اشوف احلامي و احلامك


فحلم جديد


فصورة جديدة...


معاك قدامك


وانا لسه بَـعيد...وبزيد


فكلامك


وبحبك من اول سطر


وعدى شهر


مش عارفة هيعدي كام غيرو


وانا قلبي انا عايشة...من غيرو


ووحشني خناقو وشقوتو


ووحشني وجودو...و رحيلو


ووحشني ضعفو وقسوتو


ويارب يكون دا تفكيرو


لا هموت مالقهر


وعدى شهر


وانا نفسي يكون عارف


ان انا مستنية


انا نفسي يكون حاسس بيا


ويارب يكون حاسس زيي


ويكون مش قاصد


لأ...مضطر


ده عدا شهر


ب تلاتين يوم


تلاتين احساس ان انا مظلوم


تلاتين كلمة وتلاتين غنوة


وتلاتين دعوة


يا رب بعد الضلمة دي


فجر


ده عدى شهر


ده عدى شهر

انا خايف


خايف


خايف اوي من بكرة


مش قادر اطرد من دماغي الفكرة


خايف اوي من نفسي


خايف اوي على نفسي


حتى من الفاضي ومالهايف


انا خايف


خايف اموت ملحقش تكمل صلاتي


خايف اعيش


سراب صنعتو بامنياتي


خايف افتح مرة عيني


الاقيني


انا اعمى ومش شايف


انا خايف


لأه


انا مرعوب


من كتر خوفي واقف مكاني


لانا غالب ولا مغلوب


عدت سنين مش راضي عنها


وامتى هرضى منيش عارف


انا خايف


من الف ذكرى وذكرى


عدت مسألتنيش


بتحب ايه او تكره


من امتى كانت اقدارنا بتسألنا


من امتى كنا بنقعد عندها ونضايف


انا خايف خايف


خايف اوي


خايف

انا مش واحدة


لأ انا اتنين

اتنين تانييين

مش متفقين

الاولى بالتانية

معجونة عجين

انا مش واحدة لأ انا اتنين

واحدة قوية ومستقوية

وواحدة ضعيفة بكلمة تلين

انا مش واحدة لأ انا اتنين

انا واحدة بحب اكون عالدين

وفنفس الوقت انا بغلط جامد

زي الناس والبني ادمين

انا مش واحدة لأ انا اتنين

واحدة رقيقة

تموت فالشعر والمزيكا

وواحدة شقية تموت فالرقص

وعالحيطة تموت فالتلوين


انا مش واحدة


لأ انا اتنين

قرب الشاطئ

اسير بخطى متهدجة


قرب الشاطئ


التمس ضالتي


افكر في الماضي


وفي الحاضر


اتلعثم فاسقط


قرب الشاطئ


فاذا بخاتم احسبه فضي


يلعب به الضي


اخذه


فيثير شجوني هذا البارق


قرب الشاطئ


لا اجد الفارق


قرب الشاطئ


يرميني الدهر


وترميني تلك الذكرى


وتلك



...


تهديني لضلالة


لاناس قد احببت


منهم باق ومنهم فارق


تهديني لرسالة


ان ماضي العمر ماضي


وحاضري امسي وغدي


وايامي هوان


عند الشاطئ


اعجبني هذا الخاتم


البسه


اتأمله


فاذا الكون قد اظلم


وهاج الموج كالسارق


عند الشاطئ


ارعبني


داعب اطرافي


فاخجلني


غسل بقايا الشظايا


شظايا حروبي


وغطى على عتمة دروبي


اراحني همه المنزعج


واذيته بهمي الصامت


الراكد


حركت بيدي الخاتم


وفصه القاتم


وخلعته خلعة الشاكي


فأضاء لي الكون مصابيحه


وصلت لي الطير تراويح


فعلمت انه الخاتم


رميته واستغاث


غوث الغارق


عند الشاطئ


ادرت وجهي


اردت ان اركض


وخطى متهدجة تامرني الا افعل


الا اكمل


فاقف


لاني علمت الفارق


قرب الشاطئ


علمت الفارق


قرب الشاطئ

عن العودة اتحدث

حينما يفاجئك



شعاع خاطف في مسار حياتك المظلم



وينتابك الشعور بالدوار


تقف ... حتى


تعيد توازنك

وساعة يدك تستمر في الدوران


تعد ثوانيك الباقية لتصل الى حدها


وهو نهايتك المحتومة


تفيق ... وقد مرّت ثُلة من لياليك التالفة


وثُلة من ليالي العالم الدّوار ...التي لا تنتظرك


فتملك عليك نفسك


وتضبط كرافاتك


وتهذب تسريحة شعرك


وتتلاشى صور تلك الضحكات التي تعالت في دوّامة سقوطك


معاودا السير في مسار حياتك المظلم


حينها


اكون....عن العودة اتحدث